தொலைந்து போவதென்னும் வாழ்வு!

குடும்பங்கள் கூடி குசு,குசுத்து

பலகாரங்கள் பரிமாறி

நாள்,நட்சத்திரம் பணம்,பதவியென

எல்லாம் இணங்கிய பின்

திகதியையும் தீர்மானித்து விட்டீர்கள்

அம்மி மிதித்து,அருந்ததி பார்த்து

மேள,தாளங்களோடு

என்னை எங்கோ

அனுப்பி வைக்கத்தானே

இத்தனை அமர்க்களம்?

சரி....

வழியனுப்பும் இடத்துக்கே

வந்து விட்டீர்கள்

பெற்று,பெயரிட்டு பிரியமுடன் வழர்த்த

உங்களை கேட்கின்றேன் உரிமையோடு

இப்பயணத்தின் தூரத்தை,அல்லது முடிவை

யாராவது எதிர்வு கூறுங்களேன்

என் கனவுகளையும்,எதிர் பார்ப்புகளையும்

இங்கேயே புதைத்து விட்டு

புறப்படுவதற்கு?!