எனது நிலை!

 கடைமைக்காக

இணைந்து பிரியும் கணவன்,

பெற்றதற்காக

பணிகள் எதிர்பார்க்கும் பிள்ளைகள்

குதர்க்கமாக பேசி நாளும்

வார்த்தையால் குதறியபடி

கூட இருக்கும் அத்தை

வரதட்சனை பாக்கியை

ஞாபக மூட்டி நகைக்கும் மாமா

"ஏண்டி வந்த"என்ற கேள்வியோடு

தாமதிக்க விடாமல் விரட்டும்

தாய் வீடு

அனைத்தையும் தாண்டி

..............................................,

தினமும்

அணையாமல் கனன்றுகொண்டிருக்கும்

அடுப்பங்கரையில்

வறுபடுகிறது என் வாழ்க்கை.